اسلام آباد: پاک بھارت وزراء خارجہ مزاکرات کا مشترکہ اعلامیہ جاری کرتے ہوئے دونوں ممالک کے درمیان بامقصد مذاکرات کا عمل جاری رکھنے پر اتفاق کیاہے۔اعلامیہ میں بتایا گیا ہے کہ دونوں ممالک کے وزرائے خارجہ نے مسئلہ کشمیر پر بھی بات چیت کی اور دونوں ممالک دہشت گردی کے خلاف مل کر اقدامات کرینگے۔پاک بھارت وزراء خارجہ مزاکرات کے مشترکہ اعلامیے کے مطابق دہشتگردی پاکستان اور ہندوستان دونوں کے لیے بڑا خطرہ ہے، سمجھوتہ ایکسپریس کی تحقیقات کی تفصیلات پاکستان سے شیئر کی جائینگی۔پاکستانی وزیر خارجہ حنا ربانی کھر کے ساتھ مشترکہ پریس کانفرنس میں بھارتی وزیر خارجہ ایس ایم کرشنا نے کہا وہ بھارت جاکرمنموہن سنگھ کواپنا تجزیہ بتائیں گے۔ بھارتی وزیر اعظم منموہن سنگھ مناسب وقت پرپاکستان آئیں گے۔ منموہن سنگھ نے پاکستان آنے کیلئے کوئی شرط عائد نہیں کی۔ بھارت پاکستان کیساتھ تعمیری تعلقات چاہتے ہیں۔وزیر خارجہ حنا ربانی کھر نے کہا کہ تاریخ کے ہاتھوں یر غمال نہیں بنیں گے، پاکستان بھارت کے ساتھ مذاکرات جاری رکھنا چاہتا ہے۔ وزیر خارجہ حنا ربانی کھر نے کہا کہ پاکستان بھارت کیساتھ تعلقات کے فروغ کاکوئی موقع گنوانانہیں چاہتا۔اور مذاکرات جاری رکھناچاہتا ہے۔ انہوں نے کہا کہ رواں سال کے آخرتک بھارت کے ساتھ تجارتی تعلقات معمول پرآجائیں گے۔
کوئی تبصرے نہیں:
ایک تبصرہ شائع کریں
آزاد فکرتجربی سوچ کا کا نتیجہ ہوتی ہے جو عقل' منطق ' علم اور شک کے ا شتراک سے پروان پاتی ہے. یہ وہموں کی بنیاد پر جگہ بنانے والی زہریلی سوچ اور طرز عمل کو للکارتی ہے جمے ہوے پسماندہ رویوں اور ان میں پوشیدہ طاقتوں
کے مفادات کو بےنقاب کرتی ہی. یہ مسائل کو حل کرنے کے روشن خیال 'سیکولر اور سائنسی طریقے اختیار کرتیہے. یہ آپ سے پوری جرات اور شعور کی بنیاد تجریدی وہموں کو مسترد اور زندگی میں سائنسی اقدار اپنانے کا مطالبہ کرتیہے. یہ عظیم اخلاقی اقدار کو انسانی اور سماجی ارتقا کا لازمی ایسا مانتی ہے . انسان کو رنگ' نسل، مذہب اورلسانی شناختوں پر منقسم منافرتوں کو پوری طاقت سے مسترد کرتی ہے. آزاد فکر انسانیت، علم اور سچ کو اپنا اثاثہ مانتی ہے' اس فورم پر آپ کو خوش آمدید ' ہم امید رکھتے ہیں آپ تمام دوستوں کا احترام کرتے ہوے مثبت طرزعمل کے ساتھ اس فورم پر علمی' ترقی پسنداور جہموری سوچ کو فوروغ دیں گے