برما میں جہاں فوج کی حکمرانی تھی، آنگ سان سوچی نےجمہوریت لانے کی کوشش کی جس کی پاداش میں اُنھیں 20برس تک کسی نہ کسی صورت میں نظربند رکھا گیا آنگ سان سوچی برما میں جمہوریت کےفروغ لیے اورعورتوں اور نوجوان لڑکیوں کے لیے طاقت کی ایک علامت ہیں، خاص طور سے اُن خواتین کے لیے جو سیاسی آزادی کی جنگ لڑ رہی ہیں۔
برما میں جہاں فوج کی حکمرانی تھی، آنگ سان سوچی نےجمہوریت لانے کی کوشش کی جس کی پاداش میں اُنھیں 20برس تک کسی نہ کسی صورت میں نظربند رکھا گیا۔
اپریل 2012ء میں اُنھوں نے پارلیمنٹ کے ضمنی انتخابات میں حصہ لیا جس میں اُنھیں اور اُن کے ہم وطن امیدواروں کو بھاری اکثریت سے کامیابی حاصل ہوئی۔
وہ ملک میں آزادی کے ہیرو جنرل آنگ سان کی صاحبزادی ہیں۔ اُن کے والد کو جولائی 1947ء میں ملک کے آزاد ہونے سے صرف چھ ماہ قبل قتل کردیا گیا تھا، جس وقت سوچی کی عمر صرف دو برس تھی۔
اُن کی نیشنل لیگ فور ڈیموکریسی کی زبردست فتح کے ایک سال بعد اُنھیں نوبیل انعام سے نوازا گیا۔ پیس کمیٹی کے چیرمین نے اُنھیں ’بے بس لوگوں کی طاقت کی اعلیٰ ترین مثال‘ قرار دیا۔
اِسی سال، اُنھوں نے باضابطہ طور پرامن کا نوبیل انعام حاصل کیا۔ اس موقعے پر اپنے خطاب میں، سوچی نے کہا کہ اُن کا ملک ابھی تک حقیقی جمہوری معاشروں کے درجے تک نہیں پہنچا۔ تاہم، اُنھوں نے اِس یقین کا اظہار کیا کہ عالمی برادری کی مددسے ’ہم جلد ہی وہاں تک پہنچ جائیں گے‘۔
بیس جولائی 2012ء کو اُنھیں برطانیہ کی ممتاز یونیورسٹی آکسفورڈ نے اعلیٰ اعزازی ڈگری سے نوازا۔
چھیا سٹھ سالہ سوچی دنیا بھر میں جبرو استبداد کے خلاف پُر امن مزاحمت کی ایک علامت بن گئی ہیں۔
وائس آف امریکہ/ واشنگٹن /صفیہ کاظم/
کوئی تبصرے نہیں:
ایک تبصرہ شائع کریں
آزاد فکرتجربی سوچ کا کا نتیجہ ہوتی ہے جو عقل' منطق ' علم اور شک کے ا شتراک سے پروان پاتی ہے. یہ وہموں کی بنیاد پر جگہ بنانے والی زہریلی سوچ اور طرز عمل کو للکارتی ہے جمے ہوے پسماندہ رویوں اور ان میں پوشیدہ طاقتوں
کے مفادات کو بےنقاب کرتی ہی. یہ مسائل کو حل کرنے کے روشن خیال 'سیکولر اور سائنسی طریقے اختیار کرتیہے. یہ آپ سے پوری جرات اور شعور کی بنیاد تجریدی وہموں کو مسترد اور زندگی میں سائنسی اقدار اپنانے کا مطالبہ کرتیہے. یہ عظیم اخلاقی اقدار کو انسانی اور سماجی ارتقا کا لازمی ایسا مانتی ہے . انسان کو رنگ' نسل، مذہب اورلسانی شناختوں پر منقسم منافرتوں کو پوری طاقت سے مسترد کرتی ہے. آزاد فکر انسانیت، علم اور سچ کو اپنا اثاثہ مانتی ہے' اس فورم پر آپ کو خوش آمدید ' ہم امید رکھتے ہیں آپ تمام دوستوں کا احترام کرتے ہوے مثبت طرزعمل کے ساتھ اس فورم پر علمی' ترقی پسنداور جہموری سوچ کو فوروغ دیں گے